Noticias

4sep
ASTEBURU HONETAN HASIKO DA 2020ko E.H-ko BOTE LUZEA TXAPELKETA Deporte

ASTEBURU HONETAN HASIKO DA 2020ko E.H-ko BOTE LUZEA TXAPELKETA

Guztira 7 taldek parte hartuko dute erronkaz beteriko edizio berezi honetan. Finala, urriko lehenbiziko asteburuan jokatzea espero da.

Asteburu honetan hasiko den bosgarren edizio honetan, Euskal Herriko 4 lurraldetako 7 taldek parte hartuko dute. Iparraldetik 4 taldek (Lapurdiko 3 talde eta Nafarroa Behereako talde bat) izena eman dute, Bizkaitik bi taldek eta Gipuzkoatik bakarrak. 

Txapelketa bi multzotan antolatuko da:

A MULTZOA:

  • Bizkaia 1
  • Gipuzkoa
  • Iparralde (Senpere 2)
  • Iparralde (Amikuze)

 

B MULTZOA:

  • Bizkaia 2
  • Iparralde (Senpere 1)
  • Iparralde (Itxasuarrak)

 

Liga faseko 3 jardunaldiak jokatu ostean, multzo bakoitzeko lehen bi talde onenak, irailaren azken astean jokatzea espero diren finalerdietara sailkatuko dira (A1 vs B2 eta B1 vs A2). Eguraldiak laguntzen baldin badu, finala, urriaren lehenbiziko asteburuan jokatzea espero da. 

Bote Luzea Euskal Herriko eta Europako pilota-joko modalitate bat da, joko zuzenen arteko zaharrena, eta ondoren sortu direnen oinarria eta funtsa. Euskal Herrian galdua bazegoen ere, azken urte hauetan berreskuratze prozesu batean sarturik dago.

Bi taldeak aurrez aurre jartzen dira eta ez da pilota hormaren kontra joz jokatzen. Talde bakoitza zortzi pilotariz osatua dago; bost kantxaratzen dira eta aldaketak egitea onartua dago. 60 metro inguru luzerako eremutan aritzen dira pilotariak, normalean estalirik gabeko plazetan, eta helburua aurkariari eremua irabaztea da.